Adam, mir chömäd...

Wie scho gsait sind mir fang am Mittag ufgstande. Tja, es wird sich usestelle, dass da seeehr guet gsi isch :-) mittlerwiil hani mir inore schwache minute d'fransle zrecht gschnitte. hehe... chli schreg worde und würkli guet gseh hani mi im 3cm spiegeli au nid, aber egal...mue eh dringend zum coiffeur...

und nomol än körpertail hät dra müäsä glaube, wenn mä hoor als körpertail bezeichnet? Hmmm... jedefalls, min arm bim zmorge mache -.-

Hend üs denn ä chlisäs früähstück gönnt und sind denn no voräm rägä idä maastrichs- und idä rombertspassage acho. da sind chlini shoppingmalls. recht praktisch mit denä paar lädä, restaurant und bankomate. sind denn id stadt gradlet und hend s'velo abgeh. denn in subways und ab in zug :-)

in adam acho denn wie immer ad schlüssfächer zum dä koffer versorge. isch e super sach und günschtig. empfehlenswert für dä letscht oder aber au dä erscht tag :-) sind denn in tram igstiege richtig leidseplein. dä 1, 2 und 5er fahred bis an leidseplein, über de rembrandtsplein. mitm 5er cha mer au direkt zum museumsplein fahre wo au gross iamsterdam stoht :-) am leidseplein acho sind mir denn ine bar, het allgemein gad viel recht gueti umenand :-)

noch ä paar luschtigä stunde sind mir denn no ine andori bar, gad bim hard rock cafe ide nöchi. i därä bar hend mir denn au chli chönä abtanze und sind denn de rescht vo dä nacht do bliibe.

 am morge am 4ri isches denn ab an flughafe gange. sind no nid mol soo müäd, dankm usschlofe ;-) ha mir denn zerscht mol en kaffi gönnt und sind denn guet 2h chli am flughafe gsi, natürli hend mir am guätä altä burger king no müäsä hoi sägä ;-)) am 6i bini denn uf dä zug wo guät 40min länger kha hät als suss, aber egal, bald is bettli, da isch schööö :-) d'börnii isch denn richtig gate ufbroche und isch dihai vom schatz scho sehnlichscht erwartet worde. i bi im zug so ca. 10x ipfuset und andauernd wieder rechtzytig verwachet, peeerfekt. dihai denn ab in bus. wie scho oft bini wieder di ainzig gsi im bus. die busfahrer do hend so ä agwohntheit, dass si di denn immer zu sich rüäfäd und dä platz bi enä abütet. denn wird quatscht. min haiwääg goht je noch bus 15-25min. jo, bi zum glück recht fit gsi und de fahrer echt än luschtige vogel. dihai acho nochli dä "obig" usklinge loh und gägä dä mittag bini denn au mol is bett. ha denn nümä würkli viel tue a dem tag...

isch scho komisch irgendwie... de erscht bsuech, de erscht abschied... aber isch schö gsi und hät echt guät tue!!! wenn di liebschte nümä per autofahrt oder churzes gratis tel via unbegrenzte freiminute erreichbar sind, denn schätzt me da gad no meh. und, meh gseht was usmacht zyt mit denä mensche zverbringe. sicher, di erscht zyt do in holland isch spannend, neu, aspruchsvoll und so viel meh... aber trotzdem merki etz noch guet 3 wuche glob langsam dassi etz acho bi und vermiss gwüssi sache und lüt langsam... zum glück aber nid im negative sinn, no ohni tüüf oder haiweh ;-) Aaaaaber däfür mit vorfreud uf dä 12.8. :-)