Besichtigung Adam und den Bosch

D'Besichtigung isch dä hammer gsì! Mir sind vom Mami vo dä Börnii chauffiert wordä - welch' luxus :-) Am Flughafe acho und scho ganz giggerig uf adam zerscht mol richtig starbucks (*räusper* schliichwerbig :-))

Nochdem mir am Schiphol acho sind, hend mir müäsä dur än laange gang laufe. Uzmol gsehnd mir vor üs zwai riiiisä Plakat - s'ainte mitmänä riiisä schoof und s'andore mitmänä hai... gseht suuper us! Und wiiter goht's id halle...hend natürli nur handgepäck kha ;-) Wiä chlini goofe bevors in europapark laufäd wieder richtig starbucks... ä stärchig muä si ;-) Und wa gsehnd mir ufm wäg? Wär da no waiss isch guät ;-) Genau, diä zwai holländischä mädels mit gitarre und klavier: *vonder & bloom* Si hend sich insgesamt 80 täg id igangshallä vom flughafä gstellt und hend musig gmacht. wunderschön und zwai hammer stimme... näbät enä isch ä weltkarte gstandä... si isch bereits mit unzähligä orange pünkt übersäht gsi. jedä punkt stoht für ä land vomänä tourist wo ihri cd vor ort chauft, 15.- Euro. s'motto: i 80 täg um d'welt. Super sach, ha bim erschtä bsuäch scho aini kauft - und zack än chläber druf :-) nai, bi laider nid di erscht gsi us dä schwiz. abgseh dävo, dass diä chläberli grösser gsi sind als d'schwiz selber. hehe...

Also, starbucks und zack verussä, zigi un bus. di ainzigä zwai ziel...easy... naaaja, isches denn nid würkli wordä. hend mol än bus usägsuächt wo luut internet/map chönt passä. sind denn mit dem anä andori station gfahrä und währäd aigentli ohni gross laufä scho mol idä nöchi. guät, ah, dä vondelpark...dä isch jo nid so gross. mir sind sicher uf dä andorä sitä. Sind denn ab in vodelpark, in tüüfä, dunklä, unheimlichä park...irgendwenn sind mir denn abänä typ begägnät. nid gad würkli vertrauenserregend aber frögäd mir mol... (koffer im schlepptau!) ) Isch denn aber än nettä Herr us Afrika gsi. Daaanke... umcherä! da passt doch prima...also ums eck und zack sind mir döt ;-) (guät hend mir vorher nochgluägäd. s'hotel oder besser, bed and breakfast, isch richtig versteckt imnä laaangä raihähuus... dank google streetview aber beschtens bekannt gsi. mittlerwiil isch 1 am morgä gsi und d'gaschteltorä hend scho fascht pfusät. dä vater isch denn aber abächo und hät üs no aaalles erklärt. zum zimmer: hammer, wunderschön, gmüätlich, unerwartet... richtig romantisch. z'empfehlä für alli wo wert uf ä schöni bleibi leggäd... au do gits idä galerie bilder. man bemerke: kamin ;-) A dem obig sind mir natürli dihai blibä und hend tv gluägäd....

 aaaaah, quatsch, ab uf adam! Super gsi, sind is palladium. Witzigi bar/disco, guät z'finde. Isch super musig gloffä und d'drinks sind au recht günschtig gsi, trotz dä super laag am leidseplein Okay, d'menschä sind riesig gsi! Paar sprüch hani mir denn doch no dörfä alosä. aber isch än super obig gsi! hai sind mir denn mitm taxi :-) am nögschtä morgä häts kaffi us dä chuchi geh...natürli ufm sofa im zimmer im bischi. mä hät sich selber chönä bedienä. hät än chüählschrank, gasherd, gschirr... d'uswahli sache ässä isch au eher beschaidä (cornflakes, milch, tee, kaffi) aber hät passt und isch doch ideal zum in tag starte :-) d'duschi und s'bad sind au sehr suber gsi. dur da, dass nur zwai zimmer vermietet werdäd isch mä praktisch allai gsi. vorallem am morgä... ;-) und denn häts ghaisse: ab id stadt... leidseplein, rembrandtplein, sexmuseum, shopping, mitbringsel für di liäbschtä, restaurants (by the way, do isch mo gad bim italiener no än tail vo dä schuflä abbrochä wo eh scho demoliert gsi isch.. grrr... d'börnii natürli nur kuul: jo, wennd etz s'muul immer zuälohsch gsehsch no beschissener us! Treffer! was solls :-)

.....folgt....