Guete mooooorge!!!

Do, ab in tag, ab go radle ;-)

nochmänä riesä früäshstück selbstverständlich... :-) Denn ab in bus richtig stadt zum s'mietvelo go hole. isch nid mol schlecht gsi, het nämli kais vo denä gruusigä touri-velos geh, diä gääl-blauä... haha. als chlini überraschig hani no ä zwait velotäschä kauft, au in pink. und so hät da ganze denn live usgseh:

Joo, wi ihr merkäd bini scho wieder ide zuäkunft am schribe. i brings afoch nid ane...hihi. aber hoffentli chlappäts irgendwenn mol no mitm täglich was drii schribe, was churzes ;-)

so sind mir denn id stadt und hend dä halb h+m und new yorker usgruumt. unglaublich, alles 5.-, 10.- und 15.- euro, und da zu nid mol CHF 1.20!!! hät sich also definitiv glohnt. vorallem isches super, well mä do uuuh viel farbigi und bluemigi sache findet. richtig suuummer, wenn s'wätter scho nid dänoh isch.

mir hend üs denn entschide zum am obig dihai bliibe und z'tüssälä. schliesslich wönd mir jo au chli zyt ha zum quatsche :-) händ üs also mol diä packige besorgt und sind no go poschte. Aber natürli hend mir üs ais nid entgoh loh... dä znacht im seventen hemel ide korteputstraat. da isch echt en bsuech wert! ä wunderschös restaurant mit super esse, super service und super priise.

joo, i ha scho gmampft, und leider machi da scho di ganz zyt do in holland. esse esse esse esse... tja, isch halt au alles fain. und da blöde brot macht halt meh hungrig als satt -.-

tja, egal esse isch aifach zu schö :-) nochli sport am obig...haha. haiwärts mitm radl. suuper gange und hail dihai acho... s'wätter isch mittlerwiil au schlechter worde, riiichtig gmüätlich gsi dihai mitm blick in garte. und sowieso,isch eh besser gsi sind mir dinne bliibe, guckst du:

so hend mir denn no än schönä obig verbrocht und hend bis am nögschtä tag m mittag pfuusät. haha...