Japanisch für Anfänger...

Die wuche bini spontan mitmene arbaitskolleg zum japaner, gnau gsait, ine sushirestaurant. tja, mä söll jo schliesslich für alles offe si, warum also nid :-) i hass zwor fisch, aber mä söll jo immer ä zwaiti chance geh. gesagt, getan... sind is soko hinterm bahnhof in den bosch. choschtet 22 euro pro person am obig für ä super all you can eat agebot! sushi i allne variatione. grillierti spiessli, gmüäs, fisch, meeresfrücht, poulet, suppe, dessert... bschtellt hät mä ganz aifach happä für happä pro gang per charte. mä hät chönä strichli mache, jewiils 5 pro person und pro rundi. so cha mä lang hocke und hät ä riesä palettä zum ässä :-) würkli ä prima konzept. laider hani am schluss vom obig müäsä sägä dassi mi nid zu 100 prozent däfür begeischtore cha. isch nid schlecht, aber lachs isch scho mol nid min fall. werd aber sicher wieder mol goh, nur scho wägm poulet und am gmüäs :-))

Usserdem isches die wuche no in lidl gange, hend gad no ä naihmaschine in aktion kha. mol was anders, bruche chani si eh au wäg mine hose ect. (tip gsi vo dä börnii, danke!) Da ding hai schleppe isch nid mol so aifach gsi, aber has denn glich no zstand brocht. haha. mittlerwiil hani mir scho recht viel züüg agschafft. mal schaun wiä denn da isch mitm züglä. apropos zügle, da wird denn au no was werde... gar nid so aifach zum gratis ä zimmer finde. sprich, mä muä bi allne sitä zahlä damit mä d'wohnig überhaupt im netz mol aluege cha. mue wohl au si, wenigschtens übernimmt d'firma die chöschte ;-)