Welcome to den Bosch

Hllööchen dihai

I ha hüt morgä am 7ni dörfä mit dä börnii, mim schatz und dä chinä dörfä an flughafä fahrä. döt acho ab an schalter, kai zyt verlüürä! do i no än zwaitäö koffer ha muäni id abflughallä 2 anän andorä schalter go zahlä. guet, i ha denn mini täschä abgeh  und ha nur gad 20 euro mitgnoh. bi ufä grennt und ha gar nüm dran denkt, dass mir nochhär jo sowieso do uä müänd. okee, mol an schalter go zahlä. super, genau etz stoht aini do wo total kain plan hät und tuusig mol nohfrögäd und macht und tuät. woni enti dra chum sait doch diä nett damä. dassi 2x 20 euro zahlä muä. guet, wieder zrugg, geld mitgnoh. und ufzmol haissts, mit euro gängis nid. schwizergeld oder charte. okay, chf hani zwenig, denn halt mit charte. denn entli richtig sicherheitscheck, kaffi und gipfeli :-) di letscht drüü viertel stund mit minä liäbschtä... denn ischs los gange...ab in flugi.

isch ganz okay gsi, abgseh dävo, dass mä alles no selber hät dörfä zahlä wo mä g'ässä oder trunkä hät. guät, zerscht mol uf barcelona gangä, döt hani denn nochli chönä umälaufä und was ässä :-) zigis chaufä nid vergässä :-) in barcelona hani denn 4x s'gate müäsä wechslä, vom aintä zum andorä, und wider ringsherum. denn entli: ab uf amsterdam!

Döt acho ischs direkt uf dä zug gangä. zwai koffer im schepptau, kai schlechti üäbig ;-) aber isch guät gangä... im zug häts überall grossi igangsbereich mit kippstüähl adä wänd. währänd dä fahrt chunt än typ mitmänä rucksack dähär... är frogt wäg chaltem oder warmem z'trinkä. has denn minä 2 gspäänli nohgmacht und än kaffi gnoh. alles us päckli/säckli. lecker gsi, und gad richtig bis zur akunft in den bosch.

In den Bosch bini denn natürli is nögschte taxi gstiegä und ha zerscht mol dörfä d'koffer inähiiefä und irgenwie in kofferruum quetschä. hät denn no klappät ;-) zügelerfahrig sei dank... idä wohnig acho ab ufs sofa und mol baine hoch... aber vor luuter chribblä hani denn glich gad alles uspackt und scho agfange irichte. s'bild vo dä alessiä, s'foribuächli, s'foti vo dä sarah und mir, chärtli und und und... dä vorhang woni zum abschied übercho ha folgt scho bald mit dä börnii!

D'Wohnig isch super, chli gmüetlich, schö igrichtet, mit wöschmaschine und gärtli. passt doch wunderbar. laider isches überall chli staubig und hät spinnänetzli. naaaja, isch au recht lang leer gstandä. d'besitzerin hät schnell duräputzt. hät nid wiit glanget ;-P guät, ab uf dä poschtizettel mit dem züüg. ha mi denn mol igrichtet und mini klaider versorget. i dem moment chunts aim scho gad chli komisch vor. im hotel macht mä da scho au, wenn mä meh als nur gad 2 täg bliibt, aber etz ischs, ähm, s'dihai... ok, ab is bad. au do, puuutzä. aber hät wenigschtens tüächer umäkha und nochli stauruum. scho mol nid schlecht.

dä garte isch nid gross pflegt, aber au egal. isch eh nid gross und wenn, denn hocki ufm plättlätä tail, do isch suber... ;-) dur d'fenschter schiint herrlich d'sunne id stube. d'schattä vo dä bäum juckäd adä wand umänand...würkli scho fascht idyllisch. aber i spiel trotzdem mitm gedanke scho bald id stadt z'züglä. isch aifach zu wiit wäg... d'nochbuurschaft isch wiä imnä film, oder so chli a la desperate housewifes. hehe...

und übrigens, schublade uf und vorhäng use...denn d'holänder hend doch welchi. naja, zumindescht denn, wenn mä würkli inegseh cha. auto fahre tüänds au flissig, aber hauptsächlich di uswärtigä oder diä idä agglos.mä cha sich hertogenbosch chli wiä sg vorstellä. d'stadtmitti jedoch, isch die än stern. idä mitti dä markt (am wuchänend übrigens würkli ainä. mit fisch, frücht, gmüäs, und und und) und rundherum füähräd strossä und gässli, brüggli und durchgäng wäg... uh schö. hät au no ä kathedrale idä stadtmitti. jedi stund spieläd d'glocke ä lied. döt um dä eckä isch au d'hinterhamstraat. no guät zum chli shoppä. näbät därä straat isch d'kerkstraat, do häts au unzähligi lädä und imbiss. vo dä kerkstraat goht au d'korteputstraat wäg. döt sind leeckeri restaurant z'finde. wiiter richtig bahnhof findet mä ä stross (gad rechts noch dä bruck wenn mä vom bahnhof id city lauft) mit hammer baizä und bars. d'lüüt stönd alli verussä und mä hät s'gfühl, dass sg-fest isch oder honky tonk. super...!

Aber ebä, zerscht mol zrugg zum problem. da mitm Internet isch so ä Sach. Feschtaschluss: nee nee... und per Handy (3G) gstaltet sich da gad chli schwierig. Ohni Bankkonto lauft nix, kein Vertrag o.ä. Drum hani etz ä paar Täg dörfä warte. Jääänu, geschter isch si denn acho und funktioniert denn hoffentli ab hüt Obig. Do inHolland muä mä direkt an Bankschalter mit dä ID und cha denn s'Konto aktiviere...vorher goht gar nix... i cha denn gad au min Pincode wähle und Geld uflade. Und denn chas entli los goh mit Skype und co. :-) I dem Sinn gad nomol danke für dä Batze. Bi gad froh gsi die Wuche ;-)

Min erschte Tag häts bereits i sich kha... Sunntigsverkauf!!! Ladies, ihr verpassäd was! Hammer zum lädälä und vorallem isch etz üüüüberall -70%!! Yiihaaaa, da weekend wird also sicher scho mol guet :-)

Am Mentig isches denn los gange mit dä ganze Behördägäng... Bank, Immigration Office, Town Hall... Ha denn au gad än herzige Chläber becho, EU-Sticker... wennis richtig verstande ha, denn bini etz irgendwie än EU-Zwitter... weder noch... ha zwor di gliche Recht, naja, fascht... aber nid dä glich Status. Jänu hauptsach i cha bliibe...und da isch etz mol für di nögschtä 5 Johr garantiert. Uf dä Bank hani denn bereits ä Konto chönä eröffnä. Aber ebä, eröffnä und nid gad au bruchä...tzzz.... Usserdemschlüsst mä do d'Hushaltsversicherung sowie d'Haftpflicht au direkt uf dä Bank ab. Mä cha zwor au z spezielle Agenture goh, wie bi üs, aber isch ainiges aifacher und unkomplizierter.

Am Nomittag hani mir denn aigentli vornoh zum entli ä Velo kaufä. Aber jo, au da hät sich luschtigerwiis schwieriger usägstellt, als denkt... gschlagni 2h z'fuess unterwegs gsi, und natürli hend alli lädä zue kha.

Ha denn än Ghaimtipp becho: Bahnhof... Guät, gesagt getan... aber au döt laider ohni Erfolg. Has denn am 8ti si looh und bi uf dä nögscht Bus richtig haiwärts... Am Zischtigobig hanis den eeeeentli gschafft. Än Arbätskolleg hät mir än Hinterhof-Händler empfohlä. I säg nur: Flodders! Aber anyway, i ha etz mis Omafiets in wiiss und da isch d'Hauptsach. Au wenni mir vorcho bi wiä dä hinterletscht Chliikriminell... (dur d'Chuchi ufn Hinterhof mit 100 Bikes oder so...schreeeegi Lüüt gsi...) 100 Euro und ä Velo inkl. Riesäschloss sind mein! :-)

Aschlüssend ischs haiwärts gangä, naja, zerscht paar Mol idi falsch Richtig bisäs denn entli klappät hät. hehe...aber has trotz mehrorä bremsattackä überläbt.

By the way:miittlerwiil hani än 3g-stick kauft, aaaaaber, i bi wohl zu wiiiblich zum kapiorä, dass d'Simkarte in USB-Stick khört, somit bini immer no überzüügt gsi, dassäs nid goht und i en adapter bzw. Dongle bruch. Tja...

Guet, denn wäräd mir mittlerwiil bim Mittwoch.... dä erscht Tag mitm Velo...uiui, gwöhnigsbedürftig aber guet isch är gsi. Okay, mol abgseh vo mim Arbätswäg woni irgendwie nid würkli gfundä ha. hihi. Ha mi denn mol 1h ufm Velo abgstramplät... (d'OMAFIETS hend kai normali Bremsä, sondern ä Rücktrittbrems UND si hend au kai gäng...also, no recht witzig...etz waissi warum die so gmüetlich umäfahred, goht gar nid anderscht

Dä Tag isch chli ruhiger gsi...brav go schaffä und denn haiwärts... dihai nochli ufgruumt, gwäschä und kochöät. Friedlich gsi... im Gärtli... mit Musig... herrlich! Home sweet home...

Am Dunnschtig isches denn immerhin nur no 45min gangä, bisi entli acho bi im gschäft. Bi natürli wieder än andorä Weg gfahrä, kai Ahnig wie wa wo... bi denn glich no acho... am Mittag hani mi denn sogar FASCHT getraut zum ä Krokette ässä, has denn aber glich sii loh. hihi. next time... Am Obig isches denn ab id Stadz gangä mit dä Anna, anorä Arbätskollegin vo Schweden. Si isch vor 7 Johr vo Stockholm uf Amsterdam zogä und den vor 8 Mönät uf 's-Hertogenbosch. Do hät si au ihren jetzige Fründ keneglernt.... Guet, ab id Stadt für ä Fyrobigbier...naaaaja, isch denn glich än Wyy wordä und isch au nid bi dem bliibe. Sind noch zwai Gläsli ab inä Griechisches Restaurant. Und siehe da, ihren Fründ und sini Kollegä sind au döt gsi.... isch nid lang gange isch ä Kollegin vo dä Anna zu üs cho, ä Australierin wo mit aim vo do ghürotä isch. Toootal ä duräknallts Päärli, aber so was vo lieb und unterhaltsam. sie sind sit 12 johr ghürotä und sit 15 johr ä paar. Sind denn mit ihrem Fründ sowie dä Adele und ihrem Maa (dem päärli) no zu enä hai go ping pong spielä ufm Esstisch... ä kuuli Wohnig (nur 600 EURO!!) imänä uuuraltä versifftä Gebäude. Kai wunder isches so günschtig...hehe.

Döt hend mir denn ä paar echt luschtigi Stunde verbrocht mit quatschä, Rotwyy, Tischtennis, Singä und und und. Irgendwenn hät denn aber doch no s'Betli gruefe und i bi 1h hai gfahrä mitm Velo, biiiire biiiizzeli rüüschig ;-O

Ha dä haiwääg noch guet 1.5h gfundä und bi tooodmüed is Bettli kait...tja, bisäs denn hüt morgä wieder ghaissä hät: Ab ufs Velo und ab is Gschäft.... (Hilfe, mitmänä Kater nid gad dä bescht Wäg zum in Tag startä. hihi,,, 

daag,
Paty